Last Updated: November 23, 2014

रोजगार सम्बन्धि जान्नै पर्ने कुरा



कुवेतमा कामका लागि आउने कामदारहरूको जानकारीका लागि नेपाली राजदूतावास, कुवेतको

 अत्यन्त जरूरी सूचना 

कुवेतमा काम गर्न आउने सवै नेपाली कामदारहरू २ महिनाको इन्ट्री (प्रवेश) भिषा लिएर आउने र यहां काम गर्ने कम्पनी वा कुवेती स्पोन्सरले कामदारहरूको आवासिय भिषा लगाइदिने कानूनी ब्यवस्था रहेको छ । उक्त आवासिय भिषाका लागि कुवेत प्रवेश गरेको मितिले २ महिनाभित्र संलग्न कागजातहरू पेश गरी निवेदन दिनुपर्दछ । कुवेतको आवासिय भिषाका लागि नेपाल प्रहरीले जारी गरेको चारित्रिक प्रमाणपत्रलाइ परराष्ट्र मन्त्रालयको कन्सुलर शाखाले प्रमाणित गरि नेपाली राजदूतावास कुवेतले अनिवार्य रूपमा प्रमाणित गरेको हुनुपर्दछ ।  हाल दूतावासमा पेश हुन आएका चारित्रिक प्रमाणपत्र सम्बन्धि कागजातहरू नक्कली (उक्त कागजातमा हस्ताक्षर गर्ने अधिकारीहरूको हस्ताक्षर नक्कली) हुने गरेको पाइएको र  त्यस्तो कागजातहरूमा दूतावासबाट प्रमाणित गर्न नसकिने हुंदा कतिपय कामदारहरू यहां आएपछि आवासिय भिषा लाग्न नसकेको कारण नेपाल फर्कनु परेको छ भने कतिपय कामदारहरू जेल जानुपर्ने अवस्था श्रृजना भएको छ । अत:  कुवेतमा आउने कामदारहरू, पठाउने म्यानपावर  एजेन्सीहरू तथा विभिन्न एजेन्टहरूका जानकारीका लागि यो सूचना प्रकाशित गरिएको छ ।

१) कुवेतमा आउने सवै कामदारले आफु आउंदा ल्याउनुपर्ने कागजातहरू (भिषा क्याटागोरी नं १८ र २० का लागि अनिवार्य)

क) कुवेती भिषाको सक्कल प्रति (भिषाको सक्कल प्रति तथा दुतावासले प्रमाणित गरेको कागजात नभएका कारण हिजो मात्र कुवेतको विमानस्थल अध्यागमन कार्यालयले ५ जना महिला कामदार नेपाल फर्काइदिएको छ ।)

ख) नेपाल प्रहरीबाट जारी गरेको तथा सो मा नेपालको परराष्ट्र मन्त्रालयबाट छाप लाएको चारित्रिक प्रमाणपत्रको सक्कल प्रति ।

ग) नेपाली राजदूतावास, कुवेतले प्रमाणित गरेको करारनामा ।

२) महिला कामदार लगायत प्राइभेट सर्भेन्ट भिषामा (भिषा नं २०) मा आउने कामदारका लागि

घ) माथि क, ख र ग मा उल्लेख भएका कागजातहरूको साथै विमा पोलिसिको सक्कल प्रति र सर्भिस सर्टिफिकेट ।

कामदारहरूलाइ विशेष अनुरोध:

क) कुवेत आउने कामदारहरूले आफु आउन खोजेको कम्पनी वा स्पोन्सरको नाम भएको करारपत्रमा नेपाली राजदूतावासले प्रमाणित गरेको छ कि छैन?भन्ने कुरा एकीन गर्नुहोस् ।

ख) तपाइ नेपालबाट आउंदा अरूको राहदानी बोकेर यात्रा गर्ने वा अरूको राहदानीमा फोटो टांसेर यात्रा गर्ने कुराबाट सतर्क हुनुहोस् । कतिपय एजेन्ट वा म्यानपावर कम्पनीबाट यस्ता काम भइरहेका छन् । जसले अन्य ब्यक्तिको नाममा निस्किएको भिषामा तपाइलाइ पठाइदिन सक्छन् । यदि यस्तो भएमा तपाइले यहां जेल जानुपर्ने वा तपाइको जीउ ज्यानको तलमाथि भएमा विमा रकम लगायत अन्य क्षतिपूर्ति नपाउने वा मृत्यु भएमा तपाइको लाश नेपाल जान पनि सक्दैन ।

ग) सक्कल कागजातहरू (जस्तै चारित्रिक प्रमाणपत्र लाइ नेपाल प्रहरीबाट जारी भएको हो वा हैन? सो मा नेपाल परराष्ट्र मन्त्रालयको छाप  छ की छैन वा नक्कली कागजात छ वा नक्कली सहीछाप परेको छ कि जस्ता कुराहरू) को वारेमा निश्चिन्त हुनुहोस् । आजकल धेरै कामदारहरूले चारित्रिक प्रमाणपत्र नक्कली ल्याउने गरेको पाइएको छ । यसरी नक्कली प्रमाणपत्र ल्याएको वारेमा एजेन्सीले जिम्मा नलिने हुंदा नक्कली कागजात भएको कारण धेरैले जेलको यात्रा गर्नुपरेको छ ।

घ) महिला कामदार लगायत प्राइभेट सर्भेन्ट भिषामा (भिषा नं २०) मा आउने कामदारको फाइदाका लागि दूतावासले विमाको विशेष व्यवस्था गरेको छ । तसर्थ माथि लेखिएका कागजात लगायत विमा को कागज भए वा नभएको वा सक्कल भएको वा नभएको वारेमा ध्यान दिने ।

        सावधान हुनहोस्:तपाइलाइ जुनसुकै एजेन्टले पनि गुलिया कुरा गरेर दूतावासले भनेका कागजका बारेमा भ्रम श्रृजना गर्न सक्छन् । तर झुकिनु पर्देन । तुरून्त कम्प्युटरमा बस्नुस र http://kuwait.mofa.gov.npटाइप गर्नुस् र  services (सेवाहरू) हेर्नुहोस्, त्यस अन्तर्गत कागजात प्रमाणिकरण भन्ने शीर्षक हेर्नुहोस्, जसमा कुवेत आउन खोज्ने कामदारहरूको वारेमा जानकारी पाउन सक्नुहुन्छ । तपाइको नाम भए मात्र कुवेत आउनुहोला । वा तपाइलाइ जानकारी चाहिएमा नेपाली दुतावासको इमेल ठेगाना kuwait@mofa.gov.np मा सोधेर पठाउनुस् वा ००९६५ २५२४३२५४ वा २५२४३२५७ मा आइतवार नेपालको समय अनुसार १२ बजेदेखि वेलुका ६.३० बजेसम्म फोन गर्नुहोला । 

 


Download file for more info: कुवेतमा कामका लागि आउने कामदारहरूको जानकारीका लागि नेपाली राजदूतावास.doc


Check your mail

Username:
Password:

Contact

Embassy of Nepal
Villa no. 514, Street no. 13
Block no. 8, Jabriya, Kuwait
Tel No.: 00965-25321603, 25321604
Fax No.: 00965-25321628, 25321601

Email: info@nepembku.org

Website: http://www.nepembku.org

Consular hours: 9.00 to 13.00